بنت بعد كل التعب
بس كانت غلطانة.. غلطانة لدرجة متتخيلهاش....الباب اتفتح. مش ممرضة اللي دخلت. دخل راجل في الستينات، لابس بدلة سودة غالية، ووراه 3 محامين واتنين بودي جارد.
ده "كمال الشناوي". جدي.
إلهام وشها قلب ألوان. صافي وقعت الشنطة من إيدها.
جدي بص لليلى وهي في حضني، وبعدين بص لإلهام. قال بصوت هادي بس يهد جبال: — "مين دي اللي عايزة تاخد بنت بنتي؟"
إلهام بلعت ريقها: — "حضرتك.. حضرتك كمال الشناوي؟ بس.. بس هي قالت إنها يتيمة.. و.."
ضحكت وأنا حاضنة ليلى. أول مرة أضحك من يوم ما دخلت المستشفى: — "أنا مقلتش إني يتيمة يا إلهام هانم. إنتوا مسألتوش أصلاً. كنتم شايفين واحدة جاية من حارة، لابسة بسيط، فقررتوا إني جاية طمعانة. مفكرتوش تسألوا ليه ياسين اتمسك بيا 3 سنين رغم رفضكم."
قرب جدي
بص لإلهام ومسك الظرف اللي رمته على رجلي، قطعه نصين ورماه في وشها: — "عيلة عز الدين محتاجة راجل يشيل الاسم؟ عيلة الشناوي مش محتاجة اسم حد. احنا اللي بنشتري عيلة عز الدين كلها لو حبينا. بس بنتي اختارت ابنك عشان بتحبه. مش عشان فلوسكم اللي متجيش ربع ثروتنا."
صافي كانت بترتعش: — "بس.. بس ياسين قال.."
قاطعتها: — "ياسين قال اللي أمه عايزاه. ياسين طول عمره جبان. كان عارف أنا مين. وعارف إن جدي كتبلي نص مجموعة الشناوي باسمي يوم تخرجي. بس كان بيخبي عليكم عشان عارف إنكم هتستغلوه. ولما خلفت بنت.. خاف منكم. خاف تقولوا عليه مش راجل. فباعني وباع بنته."
الباب اتفتح تاني. ودخل ياسين. وشه في
جدي شاور للبودي جارد: — "خدوا الباشمهندس ياسين. من اللحظة دي ممنوع يقرب من بنتي أو حفيدتي متر واحد. أمر قضائي هيطلع حالاً."
ياسين رفع راسه: — "نورا.. أنا.. ماما ضغطت عليا.."
قاطعته: — "إنت مضغوط؟ وأنا اللي كنت بموت وولادة؟ بنتك اللي لسه مكملتش ساعات تترمي عشان بنت؟ إنت مدستش عليا أنا بس يا ياسين. إنت دست على لحمك. وإنت.. إنت متستاهلش تبقى أب."
شاورت للباب: — "بره. وورقة الطلاق بتاعتك هتجيلك. بس مش مع قرشين تسكتني. مع محضرين عشان تعرف الفرق بين واحدة جاية من الشارع.. وبين حفيدة كمال الشناوي."
إلهام حاولت تتكلم: — "إحنا.. إحنا ممكن نتفاهم.. دي لخبطة.."
جدي ضحك: — "لخبطة؟ إنتم قلتوا لبنتي إنها مكنة باظت. قلتوا على حفيدتي حتة بنت لا راحت
تاني يوم، الخبر كان في كل الجرايد الاقتصادية: "مجموعة الشناوي تستحوذ على 40% من أسهم عز الدين جروب بعد هبوط حاد".
وياسين؟ اتشال من مجلس الإدارة.
وإلهام؟ بقت بتتحايل على السكرتيرة بتاعتي عشان تاخد ميعاد.
أما أنا وليلى؟ رجعنا قصر جدي. قصر فيه أوضة كاملة ليلى، متبطنة بمبي. وفيها كل اللعب اللي في الدنيا.
وياسين بيبعت رسايل كل يوم: "عايز أشوف بنتي".
وبرد عليه بجملة واحدة: "عيلة الشناوي محتاجة راجل يشيل الاسم فعلاً. وبنتي هيبقى معاها اسم يشيلها.. اسمي أنا. أما إنت.. فدور على اسم يشيلك."
والدبدوب اللي صافي رمته على الأرض؟ جبت لليلى مصنع دباديب كامل.
عشان تعرف إن البنت اللي قالوا عليها
