المليونير
المحتويات
المليونير شاف بنت صغيرة نسخة من مراته اللي هربانه من سنين وبيدور عليها.. البنت عندها حوالي ست سنين.. هدومها مقطعة وشعرها مبلول من المطر.. ولما شاف ام البنت كانت الصدمة.
اشتري مني يا بيه.. عشان أجيب علاج لماما ربنا يخليلك مراتك وعيالك.
في يوم ممطر
العربية واقفة في إشارة والزحمة خانقة الدنيا.
جواد قاعد ورا، باصص قدامه بشرود
تخبيط خفيف على الإزاز.
لف وشه
شاف بنت صغيرة عندها حوالي 6 سنين هدومها مقطعة وشعرها مبلول من المطر.
فتحت إيدها وفيها مناديل.
اشتري مني يا بيه عشان أجيب علاج لماما ربنا يخليلك مراتك
الكلمة خبطت جواه.
مراتك
حس بحاجة غريبة وجع خفيف وحنين مش مفهوم.
فتح الإزاز
اسمك إيه؟
البنت ابتسمت رغم التعب
ليلى.
طلع فلوس كتير وادهالها.
خدي
البنت عينيها وسعت بفرحة
بجد ليا؟!
هز راسه
آه.
بص للسواق
انزل هات لها العلاج اللي هي عايزاه.
وبعدين قال فجأة
لا إحنا هنروح معاها.
السواق استغرب بس نفذ.
وصلوا قدام عمارة قديمة حالتها صعبة.
المطر كان بيغرق الشارع.
ليلى جريت وفتحت الباب بسرعة
مامااا! جبتلك العلاج!
جواد نزل وراها
وقف على الباب
واتجمد مكانه.
عينيه وسعت بصدمة
زهرة.
كانت نايمة على سرير متهالك وشها
بس هي
نفسها.
همس بصوت مخنوق
زهرة؟
الفصل الثاني
جواد واقف مكانه
مش قادر يتحرك ولا حتى يرمش.
سبع سنين
سبع سنين بيدور عليها
ولما يلاقيها يلاقيها بالشكل ده؟!
ليلى جريت ناحية السرير، صوتها كله لهفة
ماما ماما أنا جبت العلاج شوفي!
إيد صغيرة بتتهز قدام وش زهرة
اللي كانت عينيها مغمضة ونَفَسها تقيل.
جواد دخل خطوة واحدة لجوه
الأوضة ضيقة ريحتها رطوبة وكل حاجة فيها بتقول فقر وتعب.
لكن عينه ما شافتش غيرها.
زهرة.
قرب منها ببطء
قلبه بيدق بعنف غريب عليه.
زهرة
صوته كان واطي كأنه خايف تصحى وتختفي تاني.
ليلى
إنت تعرف ماما؟
جواد ما ردش
عينيه عليها وبس.
زهرة بدأت تفتح عينيها ببطء
نظرة تايهة مجهدة
وبمجرد ما شافته
اتجمدت.
لحظة صمت تقيلة
كأن الزمن وقف بينهم.
جواد اتكلم أخيرًا بصوت مليان صدمة وغضب مكبوت
إنتي عايشة هنا؟!
زهرة ما ردتش
بس عنيها اتمليت خوف.
قام فجأة صوته علي شوية
سبع سنين! سبع سنين بدور عليكي! تختفي كده؟!
ليلى اتخضت وجريت استخبت ورا السرير
ماما هو بيزعق ليه؟!
زهرة حاولت تقوم جسمها مش مساعدها
بس رفعت إيدها بإشارة لليلى تهدى.
وبصت لجواد
نظرة فيها رجاء وخوف وكلام كتير من غير صوت.
جواد قرب
نبرته بقت أهدى بس أخطر
ليه مشيتي؟! ليه مختفيتي؟!
سكت لحظة وبعدين قال بحدة
متابعة القراءة
