نزلت سلفتها
حواليه كده واتأكد إن مفيش حد سامعهم، وبعدين قال بصوت واطي
اللي حصل من شريف مش طبيعي
اتجمدت مكانها
يعني إيه؟
قال وهو بيبلع ريقه
أنا شفته
قلبها دق بسرعة
شفت مين؟!
قال
شفت شريف من أسبوع
اتسعت عينيها بصدمة
إيه؟! فين؟!
رد بسرعة
كان واقف قدام شركة كبيرة كده ومعاه واحد باين عليه مش سهل خالص
سكت لحظة وبعدين قال
ولما شافني لف ووشه ومشي بسرعة كأنه بيهرب مني!
رجعت رانيا البيت وهي دماغها هتنفجر
ليه يهرب؟! وليه يكذب ويقول اتجوز؟!
حست إن فيه حاجة أكبر بكتير مستخبية.
في نفس الليلة
رن موبايلها تاني نفس الرقم.
ردت بسرعة
ألو؟!
لكن الصوت المرة دي ماكانش شريف.
صوت راجل غريب قال بحدة
إنتي رانيا؟
قلبها وقع
أيوه مين؟!
قال
خليكي بعيدة عن شريف عشان سلامتك وسلامة عيالك
اتجمدت وهي بتقول
إنت مين؟! وشريف فين؟!
لكن الخط اتقفل.
وقعت على الكرسي وهي بترتعش
سلامتي؟! هو شريف دخل في إيه؟!
في اللحظة دي كل حاجة بدأت
الخناقة اختفاؤه كذبة الجواز الراجل الغريب
كل ده مش صدفة.
عدّى يومين
ورانيا قررت تعمل حاجة عمرها ما تخيلت إنها تعملها.
لبست وراحت على العنوان اللي حامد قالها عليه.
شركة كبيرة بوابة حديد وحراسة مشددة.
وقفت قدامها وقلبها بيدق
يا ترى إنت في إيه يا شريف؟
وفجأة
وهي واقفة سمعت صوت وراها بيقول
كنت عارف إنك هتيجي
لفت بسرعة
واتصدمت
شريف واقف قدامها بس شكله مش هو!
هدوم شيك نظرة جامدة ووش فيه برود عمرها ما شافته فيه.
قال بهدوء غريب
إنتي ماكنش لازم تيجي هنا يا رانيا
قالت بدموع وغضب
إنت كدبت عليا! لا اتجوزت ولا سبتني! إنت مخبي إيه؟!
قرب خطوة منها وقال بصوت واطي
أنا بحاول أحميكي
صرخت فيه
تحميني بالكذب؟!
سكت لحظة وبعدين قال الجملة اللي قلبت كل حاجة
أنا داخل في موضوع كبير ولو عرفوا إنك مراتي هيأذوكي
رجعت خطوة لورا وهي مصدومة
مين دول؟!
بص حواليه بسرعة وبعدين قال
ناس مابيتهزوش
وقبل ما
وقفت عربية سودا فجأة قدامهم
ونزل منها رجالة
وشريف وشه اتغير وقال بسرعة
اجري يا رانيا دلوقتي!
رانيا وقفت لحظة
قلبها بيقول اجري بس عينيها كانت على شريف.
قالتله بصوت مرتعش بس ثابت
مش هسيبك
بصلها بصدمة
إنتي مش فاهمة الموضوع خطر!
لكن قبل ما يكمل
الرجالة قربوا بسرعة.
شد إيدها وجري بيها ناحية شارع جانبي وهو بيقول
امسكي فيا كويس!
كانوا بيجروا وأنفاسهم بتتلاحق
صوت خطوات الرجالة وراهم بيقرب.
دخلوا زقاق ضيق وشريف فتح باب حديد قديم بسرعة ودخلها جواه، وقفل وراهم.
وقفت رانيا وهي بتنهج
إيه ده؟!
قال بسرعة
مخزن تبع واحد صاحبي محدش هييجي هنا
سكتت لحظة وبعدين بصتله بعين مليانة وجع
دلوقتي بقى تحكيلي كل حاجة
قعد شريف على كرسي قديم وحط إيده على وشه وقال
أنا ما اتجوزتش يا رانيا أنا كذبت
دموعها نزلت
ليه؟!
قال
عشان أبعدك أنا اشتغلت مع ناس في شغل كبير في فلوس بس طلعوا ناس خطر وكنت عايز أخرج بس ما سابونيش
رفعت
طب ليه ما قولتليش؟!
بصلها وقال
كنت خايف لو عرفوا إنك نقطة ضعفي هيستخدموكي ضدي
سكتت وكل حاجة بدأت تتربط في دماغها.
قالت بهدوء
والتليفون اللي جهلي؟
رد
تحذير عشان يعرفوكي تبعدي
قربت منه وقالت بحزم
طيب دلوقتي؟ هتفضل هربان كده؟
بصلها وبعدين قال
لأ خلاص كفاية أنا هسلم نفسي وأحكي كل حاجة وأخلص من القصة دي
اتسعت عينيها
وهيحصلك إيه؟!
ابتسم ابتسامة تعب
يمكن أتحبس بس على الأقل هكون حميتكم
سكتت لحظة وبعدين مسكت إيده وقالت
وإحنا هنستناك بس المرة دي ماتكذبش عليا تاني
بعد أيام
شريف سلّم نفسه وبدأت التحقيقات
والعصابة اتقبض عليها.
ورانيا رجعت بيتها
المرة دي مش مكسورة
لكن قوية بتربي عيالها ومستنية جوزها يرجع حتى لو بعد وقت.
وبعد شهور
كانت واقفة قدام باب البيت
سمعت خبط.
فتحت
وشافت شريف
واقف تعبان بس حر.
بصوا لبعض ثواني
وبعدين قالت بابتسامة فيها دموع
اتأخرت ليه؟
رد وهو بيضحك بخفة
كنت بظبط البداية
دخل البيت
وأولاده جريوا عليه
ورانيا وقفت تبص
وقلبها بيقول
يمكن الدنيا تكسرنا بس طول ما في صدق نقدر نبدأ من جديد
النهاية
