أنا بشتغل من الساعة 1 لـ 10 وبوصل البيت حوالي 10:30.
أنا بشتغل من الساعة 1 لـ 10 وبوصل البيت حوالي 10:30. من 5 شهور أبويا (49 سنة) منعني من استخدام البوتاجاز بحجة إني بعمل أكل كتير ومن وقتها منعوني مرتين كمان لأسباب تانية.
المرة التالتة اللي أنا فيها دلوقتي عشان سبت مواعين في الحوض ساعتين لأني كنت مضطرة أمشي بسرعة. جزء من العقوبة دي إني ممنوعة من استخدام البوتاجاز تماماً ومسموح لي بس استخدم الأير فراير والاتفاق كان إني لازم أخلص أكل قبل الساعة 12 بالليل.
يوم الأحد رجعت البيت وعملت أكل في القلاية وخلصت قبل الساعة 12 بالضبط.
الموقف اللي حصل إمبارح مرات أبويا (44 سنة) بعتتلي رسالة بتقول
لو هتيجي هنا وتطبخي الأير فرارير لازم تخلصي قبل الساعة 11 نومي بيتقطع بسبب ريحة الأكل والصوت وأنا عندي شغل الصبح.
إنتي مفيش ليكي بريك وقت العشا؟ ليه مش بتاكلي وقتها بدل ما تيجي تطبخي في وقت متأخر؟
رديت عليها وقلت لها إن ده معناه إن قدامي أقل من 30 دقيقة
قالتلي
إني مش مراعية شعورهم لأن ريحة الأكل بتبقى قوية.
سألتها ليه بتغيري القوانين دلوقتي
قالتلي
إنهم غيروها لأني مش عارفه ألتزم وإنها بتصحى بعد الساعة 12 وتلاقيني لسه في المطبخ.
قلت لها إني بكون خلصت طبخ والوقت ده بكون بنضف فيه مكاني.
دخلنا في خناقة وقلت لها بصراحة إنهم هما اللي مش مراعيين شعوري لأن أغلب الوقت لما بيطبخوا مش بيسيبوا لي أكل ومبيعرفونيش لو هما مش عاملين أكل عشان أدبر نفسي مع إن معاهم رقمي
مرات أبويا اتجننت لما قلت لها معاكم رقمي ولا كأن لاسعه عقرب واعتبرت ده قلة أدب كأني شتمتها.
بعدين قعدت تدافع عن نفسها لما قلت لها إنهم بياكلوا الأكل اللي انا شرياه من غير ما يقولولي لدرجة إني بقيت بكتب عليه ممنوع اللمس.
كل ما أحاول أفتح بوقي كانت بتزعق وتقول لي اسكتي أنا اللي بتكلم وفضلنا نلف في دايرة مفرغة.
أنا عارفة إن كتير هيقولولي سيبي البيت
ابديت
مشيت من البيت ومرات أبويا كانت فاكرة إني لسه قاعدة أنا نقلت ليلة الخميس ومحدش شافني وأنا ماشية الموضوع طلع مضحك شوية عشان مرات أبويا كانت باعتة لي رسالة قبلها بيوم بتقولي إن قدامي 30 يوم عشان أخلع من البيت بس عمتي اللي عندها 23 سنة جت أخدتني ووقفنا في بلدنا الأم نشوف الناس وجبنا أكل ورجعنا وكان لازم نخرج تاني عشان كنا حاجزين تذاكر لحفلة كاردي بي في دالاس امبارح وكسبنا تحدي بريتي آند بيتي واتنقلت لشغلي الجديد خلاص بس مش هبدأ غير الشهر الجاي أنا مبسوطة إني مش مضطرة أتعامل مع ناس مش عاوزاهم في حياتي تاني.
حاليا قاعدة بريح أعصابي لحد ما الشغل يبدأ شكراً لكل حد دعمني بكلامه الحلو بجد كنت حاسة إني هتجنن ساعات ومش فاهمة إزاي الناس دول اهلي
دي كانت آخر رسالة بعتتها لي مرات أبويا عشان مكنتش تعرف
بقالك شهر مش بتردي قلتي من أكتر من سنة إنك بتخططي تمشي من البيت كنت بديكي فرصة ووقت عشان ترتبي أمورك بدل ما أقولك امشي .
أنا رافضة أجادل مع أي حد أنا تقريباً اللي شايلة مسؤوليته إنتي كنتِ قليلة الأدب ومش مقدرة النعمة إنتي عاملة بلوك لأبوكي وانتي عايشه في بيته دي قمة الجرأة
عارفه إنه صعب في التعامل بس هو السبب في إنك لاقية مكان تعيشي فيه واضح إنك حرقتي كل المراكب ومش هتعرفي تعيشي معاه
اعتقد انك دلوقتي كبىتي كفايه عشان تحاولي تعتمدي على نفسك وتدبري امورك حاولت أكون جنبك وعملت حاجات معاكي وليكي .
حتى اتأكدت إن عندك تأمين صحي وأسنان بس باين إنك مش مهتمة بتدفعي 50 دولار بس في الأسبوع وفاكرة إنك تقدري تعملي اللي إنتِ عاوزاه بس أنا اللي لازم أقولك إمتى تطبخب و إمتى تنضفي وإمتى تستحمي وعندك الجرأة تحطي اسمك على أكل أنتِ شارياه وتكتبي ممنوع اللمس وأنتِ بتستخدمي ثلاجتنا
