حماتي رمت
حماتي رمت السمك اللي عملته لنفسي في سلة الزباله علشان هيه بتقرف من السمك وجوزي قالي انتي قاصده تتعبيها وتقرفيها على الاكل.... سبتلهم العشا ودخلت اوضتي وتاني يوم اللي عملته خلاهم يندموا ألف مره؟؟ !!!!!
على العشا فجأة أحمدجوزي هبد المعلقة في طبق الشوربة، وعمل صوت عالي وقالي
هو إنتِ يعني مابتفهميش؟ لازم يعني السمك ما إنتِ عارفة ومجربة إن أمي مابتطقش ريحته!
إيدي اللي كانت بتغرف له الشوربة وقفت في الهوا.
السفرة عليها تمن أصناف يا أحمد، انا عامله حساب الكل؟
بصلي وهو مبرق وسكت لحظة وبعدها قال.
وهو صنف واحد قليل؟ البيت كله مابيحبش السمك وإنتِ برضه مصممة تنزليه السفرة.. إنتِ قاصده تضايقي مين بالظبط؟
قصدي آكل.. أنا عاملاه لنفسي بقالي كتير ماكلتهوش وانا بحبه
حماتي رفعت عينها من الطبق وبصتلي بنظرة كلها لوم وقرف، كأني حاطة لها سم .
حطيت المغرفة في الحلة وقولت
النهارده عيد ميلادي.. والسمك البلطي المقلي بالخل والتوم ده كان أبويا الله يرحمه بيعملهولي كل سنة في يوم ميلادي.. اللي مش عاجبه مايمدش إيده عليه فيه اكل تاني كتير
أحمد كشر ووشه اتشنج
وهو القرف ده لزمته ايه ؟
اتخنقت من كتر القرف اللي على وشوشهم بس حاولت اهدى
يا احمد ده سمك بلطي بلدي صاحي نزلت سوق الساحل بعد الشغل عشان أجيبه طازة و رجعت البيت قشرته ونظفته بإيدي، وحشيته، وقليته لحد ما قرمش، وعملت له دقة الخل والتوم المعتبرة مفيهوش اي حاجه تقرف
السفرة كان عليها تمن أصناف..
السبعة الباقيين كلهم معمولين على مزاج آل عِمران
حماتي أكلها كله ني في ني ودايت عشان الضغط.
أحمد مابياكلش البصل باين في الأكل.
ومنة أخته بتقرف من ريحة السمنة البلدي.
كل تفصيلة وكل قرف حافظاه وبنفذه بالمسطرة.. الصنف الوحيد
فجأة، حماتي هبدت شوكتها على التربيزة، وقامت وبإيدها شالت طبق السمك كله
يعني عشان ست الحُسن والجمال تحتفل بعيد ميلادها، تقرفنا كلنا بريحة البيت؟ ده أكل يجزع النفس وميتبلعش!
وقفت في ثانية والدم غلي في عروقي
يا طنط.. حطي الطبق مكانه.
ولا الهوا.. كأنها ماسمعتنيش. راحت عند باب المطبخ، وقدام عيني، قلبت السمكة بالصلصة بتاعتها في باسكيت الزبالة!
منة أخت جوزي حطت إيدها على مناخيرها وضحكت بسخرية
جرى إيه يا كوكو؟ هتعيطي عشان سمكة؟ بقالك خمس سنين متجوزة أحمد ودخلتِ بيت عِمران، ولسه برضه متمسكة بعادات الفلاحين وعمايل بيت أهلك.. بجد قلة ذوق!
انا كنت هتخانق وارد عليها
بس في اللحظة دي افتكرت من خمس سنين، في قاعة الأفراح وأحمد ماسك إيدي وبيقولي قدام المعازيم أنا هشيلك في عيني وهحفظ كل حاجة بتحبيها.
خمس سنين وأنا حافظة تفاصيلهم كلهم
عارفة حماتي بتحب ايه وبتكره ايه.
عارفة منة لما يجيلها مغص مابتشربش حاجة ساقعة.
عارفة أحمد لما معدته تقلب مابياكلش غير شوربة خضار ورز مسلوق.
لكن هما مش قادرين يستحملوا آكل لقمة نفسي فيها !
ندى!
أحمد خبط صباعه على التربيزة
الشو ده خلص خلاص، اقعدي كملي عشاكِ.. بكره خطيب منة وأهله جايين يتعشوا عندنا، مش عايز أشوف الوش الخشب ده.. وبالمناسبة، لمي المطبخ ونظفيه كويس النهارده، وبكره الصبح انزلي بدري هاتي كل الطلبات.. الناس أول مرة يدخلوا بيتنا ومش عايز شكلنا يبقى وحش قدامهم.
قلعت المريلة وبكل هدوء رميتها على ضهر الكرسي
انزلوا هاتوا حاجتكم بنفسكم.
صوت حماتي لعلع في الصالة
انتي بتقولي إيه؟!
من النهارده.. مش هطبخ لقمة واحدة في البيت ده.
أحمد زق الطبق بتاعه لقدام وعينه طلعت شرار
قولي
بصيت في عينه مباشرة وبمنتهى الثبات
مش هطبخ.
الصالة هسس لثواني، وأول واحدة قطعت السكوت بضحكة مستفزة كانت أخته
سمعت يا أبيه؟ الهانم بتلوي دراعنا باللقمة! مش هتعمل أكل؟ هههه أمال هنسيب ماما اللي ركبها تعباها تقف تطبخ؟ وحضرتك نايمه!
لفيت ضهري ودخلت أوضتي.
وقبل ما الباب يتقفل تماماً، سمعت حماتي بتمط شفايفها وتقول
عالم زي القطط مبتطمرش فيها النعمة.
طلعت الموبايل..
وفتحت الأسماء، وطلبت رقم
ومن بره الأوضة، جالي صوت أحمد وهو بيقول لأمه
سيبك منها.. أهلها ماتوا وملهاش ضهر تلجأ له، هتزعل يومين وتلاقوها جاية تبوس الأيادي.
قِفلت الستارة وضلمت الأوضة وقولت في الفون
تعالو الصبح ..انا خلاص وافقت !
قفلت التليفون وانا جوايا غيظ يغطي الدنيا بحالها مكنتش اتمنى اعمل كده ابدا بس هما اللي اجبروني
واللي عملته خلاهم اتمنوا لو اتخرسوا ولا اهانوني بالشكل ده !!!!!!
زهرة_الربيع
في اللحظة اللي قالت فيها تعالوا الصبح.. أنا خلاص وافقت، سكوت غريب خيّم على الأوضة كأن الصوت نفسه اتسحب من البيت كله.
أحمد في الصالة اتجمد مكانه. وافقت على إيه؟!
حماتي بصتله بسرعة مش يمكن رجعت عقلها؟ هتيجي تصالحنا وتبوس إيدينا زي ما قولتلك.
لكن جوّا الأوضة ندى كانت قاعدة على طرف السرير، ماسكة الموبايل بإيد ثابتة، ووشها لأول مرة هادي بشكل مخيف.
بعد ثواني، رسالة وصلت على موبايل أحمد تم تأكيد حجز الشقة.. ومعاد الاستلام بكرة الصبح.
أحمد فتح الرسالة بسرعة، ووشه اتغير شقة إيه دي؟!
طلع يجري على باب الأوضة انتي بتعملي إيه؟ انتي لعبتي ورا ضهري؟!
لكن الرد كان هادي جدًا أنا ما لعبتش. أنا بس قررت أعيش في مكان مفيهوش حد بيقلب أكلي في الزبالة.
الصمت رجع تاني بس المرة
منة خرجت من أوضتها، ضحكة سخيفة على وشها يعني إيه يعني؟ هتمشي؟ وهتسيب البيت؟ طب ما هو أصلًا مين هيستحمل قعدتك؟
قبل ما تكمل ضحكتها، ندى فتحت الباب نص فتحة وقالت بهدوء أنا مش ماشية بس أنا واخدة حقي الأول.
حماتي اتنرفزت حق إيه يا بت؟
في اللحظة دي ندى مدت إيدها وفتحت شنطة كانت محضّراها من بدري.
طلعت منها ورق وعقد ومفاتيح.
أحمد قرّب بسرعة إيه ده؟!
ابتسمت ابتسامة صغيرة لأول مرة الشقة دي بإسمي. بفلوسي. ومن شغلي. والليلة دي كانت آخر ليلة في بيت شايفني خدامة مش مراته.
الصوت وقع عليهم زي الحجر.
لكن المفاجأة الأكبر إنها كملت وقالت جملة خلت الكل يسكت تمامًا
وبالمناسبة أنا بعت العفش اللي في أوضتي من يومين. وفلوسي في البنك كفيلة إني أبدأ من جديد من غيركم.
حماتي شهقت إنتي بتهددينا؟!
ندى بصت لها لأول مرة بنظرة مختلفة تمامًا أنا مش بتهدد حد أنا بعلن النهاية.
وفجأة باب الشقة خبط خبطتين قويين.
أحمد لف بسرعة مين؟!
ندى ردت وهي بتفتح الباب بابتسامة هادية جدًا الناس اللي قولتلك عليهم.
والباب اتفتح
وساعتها بس، البيت كله اتقلب لحظة واحدة لما اللي واقف بره دخل، وأول كلمة قالها كانت
حضرتك ندى؟ إحنا من إدارة التمليك وجايين نستلم الشقة القديمة.
أحمد رجع خطوة لورا لأول مرة في حياته
والبيت اللي كان مليان صوت وأحكام وسخرية سكت خالص.
لكن اللي كان جاي بعد كده كان أكبر بكتير من أي رد فعل.
يتبعأحمد وقف مكانه كأنه لأول مرة يشوف البيت.
إدارة تمليك إيه؟ وشقة إيه اللي بتتستلم؟!
الرجل اللي على الباب فتح ملفه بهدوء الشقة اللي حضرتكوا ساكنين فيها بنظام إيجار منتهي بالتمليك والمدة انتهت. والدفعات الأخيرة متسددتش بالكامل.
الصمت نزل تاني بس المرة دي كان تقيل.
حماتي
ندى ما ردتش عليها كانت بتبص لأحمد بس.
أحمد بص
