بعد خمس أشهر من طلاقى
البنك ولازم حضرتك تتفضلي معانا بخصوص بلاغ الاحتيال المالي المرفوع باسمك.
الهاتف وقع من إيدي.
لكن قبل ما أستوعب سمعت صوته على السماعة بيهمس
قولتلك اللعبة أكبر منك اتجمدت مكاني
الضلمة مالية الشقة، وصوت النفس جاي ببطء من ناحية المطبخ.
قلبي كان بيدق بعنف لدرجة حسيت إن الصوت هيكشف مكاني.
حاولت أتحرك بهدوء، لكن رجلي خبطت في طرف الترابيزة.
وفجأة
الصوت وقف.
سكون مرعب ملأ الشقة.
وبعدين سمعت خطوات بطيئة
واحدة
ورا التانية
قربت من الصالة.
مسكت موبايلي بسرعة وفتحت الكشاف، ووجّهته ناحية المطبخ بإيد مرتعشة.
النور قطع الضلمة
ولمّا
شهقت.
كانت نادين.
واقفة منهارة، وشها شاحب، وهدومها متبهدلة، وبتعيط بانهيار.
جريت ناحيتها إيه اللي جابك هنا؟!
مسكت دراعي بقوة وهي بتنهج لازم نهرب دلوقتي!
لسه هسألها، سمعنا صوت عربية وقفت بعنف تحت البيت.
نادين بصت من الشباك واترعبت إلحقيني دول وصلوا.
في ثواني، الشقة كلها اتمَلَّت أصوات خبط وصريخ على باب العمارة.
مخدتش وقت أفكر.
خدت الفلاشة والورق، ونزلنا من باب الطوارئ الخلفي.
كنا بنجري في الشارع وأنفاسنا مقطوعة، لحد ما وقفنا بعيد.
نادين كانت بترتعش وهي بتقول هو مش مجرد نصاب هو شغال مع شبكة
بصيتلها بصدمة.
كملت وهي بتعيط ولما عرف إنك جمعتي الأدلة قرر يخلص منك.
في اللحظة دي، عربية شرطة وقفت جنبنا فجأة.
نزل منها نفس الضابط اللي كان عندي.
وقال بسرعة اركبوا حالًا!
ركبنا، والعربية اتحركت فورًا.
الضابط بصلي من المراية وقال إحنا كنا مراقبين البيت بعد التهديد اللي وصلك وقدرنا نقبض على اتنين كانوا داخلين العمارة.
بلعت ريقي وسألته وطليقي؟
الضابط سكت لحظة
وبعدين قال اتقبض عليه من نص ساعة وهو بيحاول يهرب.
غمضت عيني
ومش عارفة ليه، أول حاجة حسيتها ماكنتش فرحة.
كانت راحة.
راحة
بعد شهور من التحقيقات، اتكشف كل شيء.
الشركات الوهمية. النصب. غسل الأموال. واستغلاله للستات كواجهة لجرائمه.
أما أنا
القضية أثبتت إني ضحية، واتشال اسمي من كل الاتهامات.
وفي آخر جلسة شوفته واقف داخل القفص.
أول مرة أشوفه من غير غرور. من غير قوة. من غير القناع اللي كان بيستخبى وراه.
بصلي نظرة طويلة كأنّه مستني شفقة.
لكنّي ماحسّتش بأي حاجة.
ولا حب. ولا كره. ولا حتى انتقام.
فقط لا شيء.
لفّيت وخرجت من المحكمة، والشمس خبطت في وشي.
ابتسمت لنفسي بهدوء.
وأخيرًا فهمت إن أقسى أنواع النجاة إنك تنجو
