ممرضه غلبانه خبت ساعة يد
المحتويات
الراجل التعبان اللي سليم بيقول عليه بابا ده ويطلع مين بجد؟ والمافيا اللي هتقلب الدنيا لما تعرف إن الكينج بقى عنده ولي عهد إزاي هتحارب سيف في أغلى ما يملك؟
مين عايز يكملها سيب لايك و كومنت و هرد عليك باللينك ومننساش نصلي على النبي
القصة كاملة اول التعليق كانت واقفة في آخر الطرقة لابسة إسدال شغل سماوي، وشعرها مربوط بسرعة، وعلى وشها نفس الصدمة اللي خبطت سيف.
السكوت بينهم كان أوحش من أي كلام.
٥ سنين كاملة اختفوا في ثانية.
روز مسكت طرف الباب بإيد مرتعشة وقالت بصوت واطي إزاي لقيتنا؟
سيف رفع الساعة اللي في إيده وبصلها بوجع ابنك هو اللي كلمني.
عينها راحت لسليم فورًا، والولد ابتدى يتوتر أنا أنا كنت بلعب بس.
روز جريت حضنته بسرعة لا يا حبيبي أنت معملتش حاجة غلط.
بس سيف كان مركز في حاجة واحدة بس ملامح الطفل.
نفس العينين. نفس الوقفة. حتى طريقته وهو بيعض شفايفه لما يتوتر كانت نسخته المصغرة.
سيف قرب خطوة وقال وهو عينيه على سليم عنده كام سنة؟
روز سكتت.
وده كان كفاية.
سيف ضحك ضحكة مكسورة ومرر إيده على وشه يعني طلع ابني بجد وأنا معرفش حتى إنه موجود!
الوجع في صوته خلى روز تبص بعيد وهي بتحاول تمنع دموعها.
قالت بسرعة ماكنش ينفع تعرف.
ليه؟
هنا الباب الداخلي اتفتح، وخرج راجل
سليم جري عليه فورًا بابا كريم! ده الراجل اللي كلمته!
سيف بص للراجل بحدة قاتلة، لكن كريم رفع إيده بهدوء وقال لو جاي تضرب حد اضربني أنا. هي ملهاش ذنب.
روز صرخت كريم لأ!
لكن سيف كان باصص له بنظرة مرعبة إنت مين؟
كريم أخد نفس بالعافية وقال أنا أخوها.
سيف اتصدم.
روز دموعها نزلت أخيرًا كريم مش جوزي كريم أخويا الكبير.
سليم بص حواليه بتوتر يعني مش بابا؟
كريم ابتسم للولد بحنان أنا خالك يا بطل بس كنت بخليك تناديني بابا عشان ماتحسش إنك ناقص حاجة.
سيف حس الدنيا بتميل تحته.
كل السنين دي كل الوجع كل الغضب كان مبني على كذبة صغيرة هدفها الحماية.
سيف بص لروز بعين مليانة نار هربتي مني ليه؟
روز ردت بصوت مكسور عشان كانوا هيقتلوك.
الجو سكت فجأة.
حتى الهوا وقف.
سيف قرب منها مين؟
روز بلعت ريقها وقالت الناس اللي كنت شغال معاهم زمان المافيا اللي ساعدتك تبني إمبراطوريتك. يوم ما عرفت إني حامل سمعتهم وهما بيتكلموا.
سيف وشه اتجمد.
روز كملت كانوا خايفين تبقى ضعيف وخايفين الوريث يخليك تسيب الشغل القذر. وسمعت واحد منهم بيقول بالحرف لو الطفل ده اتولد هندفنه مع أمه.
سليم كان واقف مش فاهم حاجة، لكن سيف حس الدم بيغلي في عروقه.
مين قال كدة؟
روز همست باسم واحد بس نادر الكومي.
وساعتها موبايل سيف رن.
الحارس بتاعه كان بيصرخ سيف بيه اهرب فورًا! في خيانة! نادر عرف إن عندك ابن والرجالة طالعة على رأس البر دلوقتي!سيف قفل المكالمة ببطء لكن عينيه كانت اتحولت لحاجة مرعبة.
الحارس فضل يصرخ من الناحية التانية قبل الخط ما يفصل سيف بيه! معاهم سلاح تقيل دي مش زيارة!
روز وشها شحب فورًا، ومسكت سليم تحضنه كأنها بتحاول تخبيه جوه قلبها.
أما سيف فكان واقف هادي بشكل أخطر من أي عصبية.
بص لكريم وقال في مخرج تاني للبيت؟
كريم هز دماغه بسرعة من ورا يطلع على المينا.
سيف لف للحارس اللي واقف برا وأمره هات العربية على الضهر وخلي الرجالة تنتشر من غير دوشة.
الحارس قال بقلق وإنت يا بيه؟
سيف بص لسليم للحظة أول مرة يبص لحد بالخوف عليه مش بالخوف منه.
وقال بهدوء قاتل أنا هطلع ابني من هنا حتى لو ولعت البلد كلها.
وفجأة
صوت عربيات دفع رباعي قطع هدوء الشارع.
فرامل عنيفة.
وأبواب بتتفتح.
كريم وشه اصفر وصلوا!
سليم اتشبث في هدوم روز بخوف ماما في إيه؟
روز دموعها نزلت وهي بتحاول تبتسم مفيش يا حبيبي.
لكن سيف نزل على ركبة قدام ابنه لأول مرة، وحط إيده على شعره بحنان غريب عليه.
اسمعني يا سليم هتفضل ماسك إيد ماما مهما حصل. مفهوم؟
الولد هز دماغه بخوف
سيف ابتسم ابتسامة صغيرة موجوعة أكيد أنا لسه معرفتش ابني غير من نص ساعة، هسيبه يروح فين؟
وفي اللحظة دي
رصاصة خرمت الشباك.
الزجاج انفجر.
روز صرخت، وسيف لف بسرعة البرق مغطي سليم بجسمه.
وصوت جه من برا بمكبر صوت سيف الجارحي! سلّم الولد وإلا البيت كله هيتحرق!
سليم كان بيترعش تحت حضن سيف هما عايزينني ليه؟
سيف قلبه اتقطع.
الولد حتى مش فاهم إن وجوده لوحده بقى حرب.
كريم قرب بالعافية وهو بيكح خدهم وامشي يا سيف أنا هعطلهم.
روز صرخت مستحيل أسيبك!
لكن كريم بص لأخته بعين دامعة طول عمري فاشل ومقدرتش أحميكي سيبيني أعملها مرة واحدة صح.
سيف بصله للحظة طويلة ولأول مرة يشوف في الراجل المكسور ده شجاعة حقيقية.
مد إيده وشده بصعوبة محدش هيموت النهاردة.
وبعدها بص للحارس نفذ الخطة السودا.
الحارس اتجمد بس دي معناها
سيف قاطعه بعين مرعبة نفذ.
وفجأة
نور المنطقة كلها قطع.
الشارع غرق في ضلمة كاملة.
وفي نفس الثانية، دوى انفجار ضخم ناحية المينا خلا الأرض تهتز تحت رجليهم.
رجالة نادر اتلخبطوا وابتدوا يجروا ناحية الصوت.
وسيف استغل اللحظة شال سليم بإيده، ومسَك روز بالإيد التانية، وجري بيهم ناحية الباب الخلفي وسط الضلمة.
لكن قبل ما يخرجوا بثانية
صوت رصاصة تانية ضرب.
وروز شهقت فجأة.
سيف وقف مصدوم
ولقى الدم بينزل ببطء من جنبها سيف حس قلبه وقف.
روووز!
صوته خرج مرعوب
متابعة القراءة
