ضحيت بعمري عشان أربي أخواتي منال علي

عارف. عشان كده مرعوب. وعشان كده بقولك متطلبيش البوليس قبل ما نفهم. بصي هنا.
طلع من الشنطة ورقة مطبقة. روشتة. باسم دكتور مفيش في المنطقة. والتاريخ من 3 شهور. ومكتوب فيها ندي حسام.. سكر نوع أول.. جرعة أنسولين 10 وحدات يومياً.
ندي حسام مين؟ صرخت. أختي اسمها ندى محمد!
كريم فتح دولابها. ورا الهدوم، لقيت ملف. جواه تحاليل، وآشعة، وتقارير. كلها باسم ندي حسام. وكلها بتقول إن البنت عندها سكر، وغدة، وأنيميا حادة. وصور. صور لندى وهي في مستشفى. متعلقلها محاليل، ووشها أصفر.
في آخر الملف، ورقة مكتوبة بخط ندى الطفولي
يا جنا.. لو لقيتي الورق ده يبقى أنا مت. سامحيني. من 3 شهور وقعت في المدرسة. خدوني المستشفى. قالولي عندي سكر ولازم حقن كل يوم. الدكتور قالي العلاج غالي أوي. 4000 جنيه في الشهر. وإنتي بتشتغلي

ليل نهار عشانا. مقدرتش أقولك. إنتي ضحيتي بكليتك عشانا، مش هضحي بحياتك بسببي. صاحبتي حسام أبوه دكتور. خلاني أروح العيادة عنده ببلاش. وبيديني الحقن. وسميت نفسي ندي حسام عشان محدش يعرف. وباخد الحقنة في الحمام بتاع المدرسة. بس أنا تعبانة أوي. وخايفة أموت وتزعلي. ف لو مت، خلي بالك من إخواتي. ومتزعليش مني.
الورقة وقعت من إيدي. الدنيا لفت. 3 شهور. بنتي بتموت بالبطيء. وبتاخد أنسولين من غير إشراف. وعلى اسم مزور. عشان خايفة عليا من المصاريف.
كريم حضني وأنا بنهار عشان كده قولتلك متصوتيش. البنت شايلة موت فوق كتافها عشانك. لو صوتي، هتتكسر.
جرينا على المدرسة. ندى كانت قاعدة دايخة في الفصل. وشها شاحب. شيلتها وجريت على المستشفى.
الدكتور أول ما شاف التحاليل اتخض البنت دي عندها سكر فعلاً. بس الجرعات اللي بتاخدها عشوائية. والأنسولين اللي معاها منتهي الصلاحية. كان ممكن تدخل في غيبوبة وتموت في أي لحظة. مين الحمار اللي كان بيديها؟
بلغنا عن الدكتور حسام أبو صاحبها. طلع مش دكتور. ممرض مفصول، فاتح عيادة بير سلم. وبيجرب في العيال الغلابة. اتقبض عليه.
ندى اتحجزت أسبوع. ظبطوا لها السكر، والجرعات، والأكل. طلعت كارهة نفسها.
قعدت جنبها ليه يا ندى؟ ليه يا روحي؟
عيطت عشان شفتك بتبيعي دهب ماما عشان تدفعي مصاريف مدرسة سارة. شفتك بتطبقي 3 أيام من غير نوم عشان مشروع. قولت كفاية. واحدة تموت أهون من كلنا نموت من التعب.
حضنتها مفيش حد هيموت يا ندى. أنا 12 سنة بموت وبحيا عشانكم. يوم ما تقعي، تشيليكي. مش تستخبي وتموتي لوحدك. فاهمة؟
كريم باع عربيته. ودفع تأمين صحي شامل للعيال كلهم. وقال من النهاردة، أي عيل يتعب، يروح أنضف مستشفى. واللي معاهوش، أنا معاه. إحنا 7، مش 6. أنا منكم.
بعد شهر، ندى خفت وبقت كويسة. رجعت المدرسة. وبقت هي اللي بتوعي البنات في الإذاعة عن مرض السكر.
ويوم كتب كتابي أنا وكريم، وقفت مسكت المايك وقالت قدام الناس كلها
أنا كان عندي أب وأم ماتوا. بس ربنا عوضني ب جنا. جنا اللي رمت شبابها عشانا. ولما تعبت، خبيت عليها عشان متتعبش أكتر. بس اتعلمت إن الوجع لو متقالش، بيموت. وكريم علمني إن السند مش فلوس. السند ضهر. ودلوقتي بقينا 7 على ترابيزة واحدة. وأنا مش خايفة تاني.
الحاجة اللي لقاها كريم في الأوضة؟ كانت موت متخبي. بس إحنا لحقناه.
وأنا؟ بطلت أقول ضحيت بعمري. عشان عمري لسه باديء. مع راجل شالني، وأخت واجهت الموت عشان متتعبنيش، وإخوات سندوني لما وقعت.
وال 5 إخوات؟ بقوا 6. كريم الكبير بتاعنا كلنا.