وقعي يا حماتي
قديمة مصفرة، وحطها قدامي على السفرة فوق ورقة التنازل.
قال بصوت واطي بس واصل ست آمال.. المتر محسن موصيني قبل ما يموت ب 12 سنة. قال لو في يوم حد حاول ياخد البيت منك غصب، أو يحطك في موقف زي ده.. أطلع الورقة دي.
بصيت للورقة. كان عقد بيع. عقد بيع البيت.. بس مش ليا. البيت متباع من سنة 2012 لشركة اسمها حصن الأمان للاستثمار العقاري. والممثل القانوني للشركة؟ آمال محسن إبراهيم. أنا.
رفعت عيني لسليم يعني إيه؟
قال يعني البيت ده عمره ما كان ورث يا حاجة. المتر الله يرحمه كتبه باسمك بيع وشرا من زمان، ودفع تمنه كامل. وعمل الشركة دي وخلاكي المالكة الوحيدة ليها. وسابني أنا والرجالة دول حراسة. حراسة عليكي وعلى البيت. وقال
مدحت قام مفزوع كدب! ده ورق مضروب! البيت ورث وعبير ليها فيه!
سليم لف له ببطء، وطلع تليفونه، وشغل تسجيل. صوت محسن الله يرحمه طلع في الصالة، كأنه قاعد معانا
يا آمال.. لو بتسمعي التسجيل ده يبقى أنا مشيت. ولو سليم واقف جنبك يبقى في كلاب بتهوهو على بابك. يا بنت الحلال، البيت ده أنا كتبته باسمك من سنين عشان اليوم ده. عارف إن الدنيا غدارة، وعارف إن الطمع بيقلب القلوب. سامحيني إني خبيت عليكي.. بس كنت عايزك تعيشي ملكة، مش وريثة. واللي يمد إيده على حقك، سليم هيقطعهاله.
الصالة سكتت. ريحة البنزين لسه موجودة، بس الخوف اتنقل مني ليهم.
عبير وقعت على الأرض بتعيط بابا؟.. بابا كان عامل كده؟
قربت منها وأنا لسه بترعش أبوكِ كان عارف إنك هتختاري جوزك عليا. عشان كده حمّاني منكِ قبل ما يحمي نفسه من الموت.
سليم شاور للرجالة. اتنين مسكوا مدحت، وفتشوه، وطلعوا من جيبه عقد التنازل المزور اللي كان عايزني أمضيه. وعقد تاني.. عقد بيع البيت لناس تانية قابض منهم عربون.
سليم قال لمدحت تزوير، وتهديد، وشروع في قتل. 15 سنة مستريح يا مدحت بيه. والهانم بنتك شريكة.
عبير صرخت لا.. أنا مكنتش أعرف إنه هيولع.. هو قالي هنخوفها بس!
بصيت لها، وقلبي كان حجر كنتِ هتتفرجي عليا وأنا بتحرق يا عبير؟ عشان شقة؟
سليم قال البوليس على السلم يا حاجة. إحنا بس سبقنا عشان نلحقك. المتر
بعد ساعة، البيت كان فاضي. مدحت وعبير في البوكس. والرجالة لموا البنزين ونضفوا السجادة.
سليم قبل ما يمشي، سابلي كارت أي رقم يضايقك، أي حد يبصلك بصة مش عجباكي.. احنا جنبك. دي وصية المتر.
قفلت الباب، وقعدت في الصالة لوحدي. مسكت عقد الشركة، وورقة التنازل اللي مدحت كان عايزني أمضيها. قطعتها ميت حتة.
همست للصورة بتاعة محسن اللي على الحيطة كسبت الرهان يا محسن. طلعت عارفهم أكتر مني. سيبتلي بيت.. وسيبتلي جيش.
تاني يوم، علقت يافطة جديدة على باب البيت من بره شركة حصن الأمان.. الإدارة الحاجة آمال.
والسر؟ السر إن محسن ممتش. محسن ساب وراه ست، وجيش، وعقد.. يخلي اللي يفكر يقرب مني، يتحرق هو قبل
