ست وجوزها لاقوا بنت
ست وجوزها لقوا بنت صغيرة تايهه وبتعيـ.ـط ومش عارفه أهلها فين، خدوها يربوها مع بنتهم الوحيدة ولما السنين فاتت والبنتين كبروا
طـ.ـردوها من بيتهم بسبب جمالها اللي كان بيجذب كل العرسان لها، ومفيش ولا عريس بيجي يتقدم لبنتهم!
لما سن الجواز دق، العرسان بدأوا يدقوا الباب. أغلبهم جايين عشان دنيا: "سمعنا عن البنت الحلوة اللي عندكم".
الام: نعيمة بنتي مؤدبة وبنت حلال.
ام العريس: لا مش نعيمه، البنت تانيه إللي إسمها دنيا.
ام نعيمه: معندناش بنات للجواز.
نعيمه بنتهم جمالها متوسط، لكن دنيا جمالها سارق العين. أم نعيمة كل مرة تبتسم للضيوف، وبعد ما يمشوا تسيب الباب وتدخل تكتم غيـ.ـظها. أبو نعيمة يرمي كلمة عابرة: "اللي ييجي لنعيمة بنتنا أهلا وسهلا ، واللي يجي لدنيا…يتفضل يمشي معندناش بنات للجواز".
دنيا تحس بالوشوشة، تبعد عن الصالة، وتساعد في المطبخ زيادة، كأنها بتتأسف على حاجة ما عملتهاش. مرة سمعت أم نعيمة بتقول لجارتها : "مصلحة بنتي أهم". دنيا بلعت ريقها،
ودخلت توَضّب أوضة نعيمة، حطت الطرحة ع الدولاب ورتبت السرير، وفضلت سرحانة في الشباك وهي كل يوم تشيل شعور إنها ضيفة زادت على أصحاب البيت ،
وتحاول تعوّضه بخدمة صامتة، وعيونها تنام كل ليلة على صورة ولد صغير في خيالها، مش عارفة إن الزمن كبّره وبقى محامي بيدوّر عليها في كل مكان.
.الليلة دي ام نعيمة ما طوّلتش في اللف والدوران. دخلت على دنيا وهي لسه بتطبق الغسيل، وقفلت الباب وراها:
— اسمعيني يا بنت الناس
دنيا اتجمدت، الغسيل وقع من إيدها: "طب أروح فين؟ انا معرفش حد غيركم من يوم ما لقيتوني تايهه وانا صغيرة! مش فاكره غير حسن أخويا اللي توهت منه!
ام نعيمة بصت الناحية التانية: "ربنا يسهلك، دوري على أهلك وشوفي حالك.
لمّت دنيا حاجاتها في كيس بلاستيك، ونزلت السلم قبل ما أبو نعيمة يرجع من القهوة عشان ما تسمعش منه كلام يجرحها هو كمان.
الشارع استقبلها تاني، بس المرادي مافيش حسن أخوها يمسك إيدها. مشيت لحد ما رجليها وجعوها، قعدت على رصيف محطة ، حضنت ركبها، وجواها صوت واحد بيتكرر: "ياتري أنت فين يا حسن… لو لقيتك بس".
الليل كان بارد، والطرحة على راسها قديمة، بس الحلم اللي شايلاه جواها : تلف المدن لحد ما تلاقي اخوها ، أو تسمع حد بينده على واحد اسمه حسن، ويطلع هو.
نامت على الكرسي وهي حاطة الكيس تحت راسها، وعينيها مقفولة على خيال ولد صغير ماسك إيدها وبيعدّي بيها من الشارع للمحطة، زي زمان.
دنيا فضلت ماشية في شارع ضلمة، حواري أضيق من صوتها. راجل طالع من خمارة سدّ عليها الطريق،
عينه حمرا وريحة بقه عفنة، ومَد إيده. دنيا رجعت خطوة، وهو قرب، إيدها لمست قالب طوب جنب حيطة. لما هجم، ضربته على دماغه بكل الرعب اللي فيها، وقع سايح في د,مه، وهي جريت.
الراجل دخل المستشفى بين الحياة والمـ.ـوت، والشرطة جابتها من كاميرا محل. في القسم، دنيا بتحكي: "حاول يلمسني"، والمحضر مكتوب
جوه الحجز، السقف عالي واللمبة بتطن. دنيا على بلاط بارد، بتفتكر إيد حسن وهي بتعدّيها الشارع. بتنام على صوت مفتاح الزنزانة، وتصحى على اسمها وهى نازلة تحقيق. كل مرة تقول: "ما سـ.ـرقتوش… ده كان هيإذيني"، بس الورقة ما بتتغيرش. في ليلة هادية،
همست لنفسها: "يا رب ألاقي أخويا حسن أنا محتاجاه آوي دلوقتي "، ومتعرفش إن اخوها اللي بيدوّر من سنين بقى محامي، وإن اسمه اتردد الأسبوع اللي فات في نيابة جنب زنزانتها،
من غير ما الجدران تقول.اليوم بتاع الجلسة جه، دنيا وقفت في القفص، إيدها ماسكة حديدة باردة. قبل قضيتها كان في مرافعة تانية؛ محامي شاب واقف ببدلة غامقة، صوته هادي وواضح: "التهـ.ـمة بلا دليل، والشهود ما شافوش حاجة، ونطلب براءة".
القاعة ساكتة، والكل مركز معاه. دنيا عينيها عليه، قلبها بيدق بسرعة مش فاهمة ليه: الملامح، الوقفة، النبرة فيها حاجة مألوفة، كأنها شافت هذا الشاب زمان، صغير، وهو يشدها بعيد عن الازاز قدام مطعم.
حاولت تركز في الكلام، بس دماغها بتعيد ملامحه: الخط حوالين العين، الحركة وهو بيشاور للقاضي، الضغطة الخفيفة على سنانه لما بيتضايق. همست لنفسها: "حِسن أخويا ؟"
الكلمة وقعت جوه قلبها قبل ما عقلها يصدق. القاضي خبط بالجلسة اللي بعدها، دنيا رجعت خطوة لورا، عينيها عليه وهو بيجمع ورقه، مستنية أي لمحة تقولها إن الحدس ده صح،
أو إن التعب خَلاها تشوف اللي هي عايزاه
— حضرتك… ممكن تترافع عني؟ أنا مظلومة، ومليش حد.
لفّ لها. عينه وقعت على وشها المجهد، ملامحها شبهت خيال قديم في دماغه. سألها بهدوء، كأنه بيختبر نفسه:
— اسمك ايه؟
ردت، والحروف طلعت خفيفة: "دنيا".
سكت، عينه ثبتت عليها ثانية زيادة، سأل تاني:
— اسمك بالكامل؟ . ..
دنيا فضلت واقفة، عينيها متعلقة بعينيه، وقلبها بيدق بسرعة. المحامي الشاب قرب منها، ومدّ إيديه لمس يدها:
— دنيا… أنا حسن.
دنيا فتحت عينيها على آخرها، وصرخت بصوت عالي:
— حسن!
وقبل ما تقع، كان حسن لحقها، وحضنها بقوة. القاعة كلها اتقلبت، والناس بدأت تتجمع. القاضي رجع بسرعة، والشاويش بيقول:
— أهو… أهو أخوها!
دنيا فتحت عينيها، وهي في حضن حسن، وبتبكي بشدة. حسن كان بيبكي هو كمان، وبيقول:
— لقيتك… لقيتك يا دنيا.
بعد ما اتأكدوا إن دنيا بخير، خرجوا من القاعة، وحسن قال لها:
— أنا كنت بدور عليكي من زمان. لما توهتي، كنت طفل، بس فضلت أدور عليكي كل يوم. لما كبرت، بقيت محامي، وبدأت أدور عليكي في كل مكان.
دنيا كانت بتسمع، ودموعها ما بتوقفش. رجعوا البيت، وحسن قال لها:
— أنا آسف إنهم عاملوك كده. مافيش حد هيقدر يلمس شعرة منك تاني.
دنيا ابتسمت، ومسكت إيد حسن:
— أنا فرحانة إنك لقيتني.
من يومها، دنيا رجعت بيتها
