رواية خرجت من اوضتي علي صوت زغاريط كاملة جميع الفصول بقلم رحمه فايز
مش موافقه يا بابا ولو سمحت تقفل موضوع عادل ده نهائي
ليه كده فكري ياحبيبتي دا ابن عمك وهتبقي معانا في نفس البيت
عادل في مقام زي اخويا يا بابا ومش ممكن يبقي حاجه تانيه عن اذنك هدخل اخلص الشغل ال معايا.
اما بني ادم تنح بصحيح يعني سبتني وسمعتني كلام كرهني في نفسي وروحت لغيري ودلوقت جايلي اناا
بشمهندسه رنا بشمهندس احمد عايزك
خير يابشمهندس
احم كنت عايز رقم والدك
ليه اناا
غلطت في الشغل حد اشتكي مني لحضرتك
هههه لا طبعا هو لو في حاجه من دي هعوز رقم والدك ليه
امممم طيب حضرتك عايزه في ايه
الرقم يا أنسه رنا
اتفضل اكتب عندك
روحت واتفاجأت ان الباشمهندس احمد كلم بابا علشان ييجي يتقدم وبابا كلمني تاني علي عادل عشان ابقي معاهم في البيت مبعدش وانا اصلا مش في دماغي الجواز بس لو جينا للحق أحمد أحسن من عادل ١٠٠ مره راجل كده ليه هيبه وكاريزما يشد اي حد بأسلوبه وطريقته دا غير انه وسيم شكلا طول بعرض بعضلات ومهندس وعارف
جهزتي يارنوش
ايوه يا بابا احمد وصل تحت
ماشي ياقلبي خلي بالك من نفسك
عنيا ياحجوج وانت خلي بالك من بطه
يلا ياجزمه انزلي
ضحكت وطلعت من الباب ويادوبك بنزل اول سلمتين لاقيت ال واقفلي زي القضا المستعجل
بعد اذنك ياعادل وسع عشان انزل
مش عايزه اتكلم في الموضوع ده وياريت متنساش انك ابن عمي وبس
اسف كانت وزة شيطان انا بحبك يارنا انا اتقدمت زي ماكنتي حابه اهوا ليه ترفضي
لانك مبقتش تهمني ولا حابه وجودك في حياتي انا نسيتك ياريت انت كمان تنسي وتركز في مستقبلك واتمني دي تبقي اخر مناقشه بيني وبينك في الموضوع ده
بقولك بحبك يارنا وعارف انك بتحبيني بالله عليكي ماتعملي فينا كده انا فوقت وعرفت قيمتك انا محبتش حد غيرك متسيبينيش انا اموت من غيرك
عديني لوسمحت عشان خطيبي مستنيني
يعني مفيش اي امل نرجع
لا ياعادل عن اذنك
اتأخرت
شكلك حلو اوي
شكرا...اانت كمان شكلك حلو
طب يلا بينا ياهندسه اتفضلي
فتحلي باب العربيه وطول الطريق للمطعم بيكلمني ويضحكني شخصيته لطيفه جدا وجنتل جدا يعني
تاكلي ايه
مفيش حاجه معينه ممكن تطلبلي علي ذوقك
متأكده يعني ولا مش هيعجبك
يابني انت اخترتني يعني اكيد ذوقك حلو
يااه علي التواضع
طلب الاكل واكلنا وخرجني اتمشينا وجابلي غزل بنات وبلالين وشوكليت حقيقي بحب الانسان ال يحترم البنوته ال جوايا
بشمندسه رنا المدير عايزك
تمام جايه حالا
حضرتك طلبتني يافندم
ايوه يا انسه اتفضلي ده ورق المشروع ال حضرتك قدمتيه امبارح
ايوه يافندم في حاجه
الارقام ال مكتوبه غير صحيحه حتي الرسم مغاير كمان للحسابات ال حضرتك كتباها
ازاي يعني انا متأكده اني عامله كل حاجه صح المشروع ده بالذات مراجعاه كذا مره دا غير بشمهندس محمد مراجعه قبل ما اسلمه لحضرتك
كده الغلط من عند مين رنا الغلط ده ممكن يخسرك وظيفتك
ايه....اممممم....صح افتكرت اناا
جيبت اللاب وفعلا كان المشروع مختلف تماما عن ال في ايده وقتها طلب تسجيل الكاميرات واتفاجأنا بسلوي زميله ليا اتعينت معايا وهي بتغير الاوراق احمد رغم انه كان جاد جدا وبيتعامل بعمليه الا اني كنت حاسه بلهفته في اثبات حقيقه ال حصل وخوفه عليا
ونظراته ال كانت بتطمني
عدي ٦ شهور مشفتش عادل فيهم واتقربت من احمد جدا طلع زي مااتمنيت واحسن اينعم فيه عيوب زي مانا فيا عيوب بس متقبله منه اي حاجه زي ماهو قبلني بكل الكلاكيع ال جوايا
بارك الله لكما وبارك عليكما وجمع بينكما في خير حسيت بأحلي حاجه في الدنيا أمان وراحه كنت متخيله ان مفيش امان بعد بابا بس لا دا امان الدنيا علي قد ماكا
بحبك يارنوش
شكرا وسع بقي كده عشان بابا
بابا مين ياعسل فين بحبك يااحمد
ها لا دا انت حالتك حاله يابشمهندس
رناا
بحبك ياسيدي متتعصبش بس وتقلب هولاكوا
بعشقك
وختامها مسك ياولااااد
رحمة_فايز
