رواية خرجت من اوضتي علي صوت زغاريط كاملة جميع الفصول بقلم رحمه فايز
خرجت من اوضتي علي صوت زغاريط عاليه وماما داخله وبتقفل باب الشقه.
ايه الدوشه دي يا بطاطا
ده عادل ابن عمك هيخطب
قالتهالي ودخلت علي المطبخ وسابتني الابتسامه اترسمت علي وشي من الودن للودن زي مابنقول يااااه أخيرا خد خطوه بجد جريت علي اوضتي اكلمه لان البيه زعلان مني ومټخانقين ومقاطعني بقاله شهر
هوووف هو مبيردش ليه بس
يلا مش مهم المهم دلوقتي انه جاي هصالحه اكيد اول ماييجي
عدي اليوم من غير اي جديد عادل مش بيرد علي مكالماتي ولا رسايلي وده قلقني وحتي بابا وماما محدش فيهم فاتحني في الموضوع تاني يوم لاقيت ماما بتصحيني علشان اجهز
يلا يارنوش قومي صحصحي وجهزي نفسك اناا هسبقك عند مرات عمك خلصي وحصليني
اشمعنا ياماما وبعدين انا نايمه متأخر
عشان هنجهز الحاجه الي هنروح بيها للعروسه
عروسه مين وحاجه اي دي
عروسه عادل ياقلبي والحاجه شيكولاتات وحلويات والذي منه اصل احنا الحريم هنروح الاول نشوف البنت ومامتها وكده وعادل والرجاله هيروحوا اول ماناخد الموافقه قمت لبست بسرعه ونزلتله لازم يفهمني
اهلا يارنا عامله ايه ياحبيبتي
الحمدلله ياطنط الف مبروك لعادل
الله يبارك فيكي ياحبيبتي عقباال ليلتك انتي الفرحه الكبيره يارنوش
ربنا يخليكي هو عادل هنا كنت عايزه اباركله
لا
طيب هطلع اباركله وانزل علي طول
ماشي ياحبيبتي وندي فوق كمان هاتيها وانتي نازله احسن دي مابتصدق تشوف
حاضر ياطنط عن اذنك اول ماوصلت السطح كانت ندي أخته واقفه بتزعق معاه بتزعقله هي الوحيده ال تعرف كل حاجه عننا اقرب حد ليا بعد منه
ندي طنط عايزاكي اسبقيني وانا هبارك لعادل واحصلك
يارنا...
اسبقيني ياندي وهحصلك
مبروك
الله يبارك فيكي عقبالك
ده بجد انت شايف انه عقبالي وان الموضوع بسيط كده
عايزه ايه يارنا
عايزه افهم وبلاش البرود ده يعني ايه رايح تخطب لحقت تنسى الحب
كنت بتكلم بعصبيه وصوتي علي في اخر الكلام ڠصب عني مش مصدقه انه واقف قدامي بكل برود وعينه في عيني ويقولي عقبالك كأني مكنتش في حياته كأني ولا حاجه
صوتك يوطي وميعلاش انا هعديهالك المره دي بس علشان الظروف
كنت بسمعه وانا مصدومه دلوقت بقيت وحشه انا اما كلمتك دا لانك ابن عمي
تبعد انت عني انت ال قربت ياعادل وفضلت ورايا في الطالعه والنازله تقولي بحبك انت ال علقتني بيك بس معاك حق مكنش ينفع
سيبته قبل مايرد ونزلت دخلت اوضتي وفتحت في العياط ارفه اني غلطانه بس دا ابن عمي انا مليش اخواات وهو كان كل حاجه ليا لحد مااعترفلي بحبه وبعدت وقتها وهو ال
الخطوبه تمت علي خير وحضرتها وندي الصراحه مش سابتني واتخرجت وبقيت بشمهندسه قد الدنيا ونزلت تدريب كمان في شركه مرموقه وتناسيت عادل وتناسيت كل الفتره ال فاتت كلها
ماما اناا جيت وواقعه جوع
معملتش اكل يارنا اطلبي اي حاجه كليها
مالك ياحبيبتي مش عوايدك يعني
عادل ابن عمك فسخ خطوبته طلع كل ال كان ظاهرله ياعيني وهم ودور البت رسماه عليه مرات عمك مقهوره عليه دا كان هيتجوزوا كمان شهر
لا حول ولا قوه الا بالله خير ياماما ربنا يرزقه بالاحسن منها اناا هدخل اخد. دش واغير واجهز الغدا يكون بابا جه روقي كده يا بطاطا
ماشي ياحبيبتي كل حاجه جاهزه عندك اساسا اناا كنت هعمل واماا مرات عمك كلمتني سيبت الحاجه ونزلت وطلعت مليش نفس اعمل حاجه
ولا يهمك ياقمر
اتغديت اناا وماما وبابا في جو اسري لطيف الحقيقه اني عندي احسن عيله ف الدنيا كلها رزقي كله في بابا وماما الصراحه
رنا المدير عايزك
عايزني انا خير
معرفشي هو طلبك بالاسم روحيله
ربنا يستر دا اناا لسه متعينتش ياولااد معقول هيرفدني قبل مايمضي قرار تعييني ياخيبتك البيضه ياقرمط خدت نفسي
مساء الخير يافندم حضرتك طلبتني
اتفضلي يابشمهندسه اقعدي اقدملك الباشهندس أحمد شريك في الشركه هنا وهو ال هيديرها
اهلا وسهلا اتشرفت
الشرف ليا وانا براجع مع بشمهندس محمد الشغل عجبني تصميمك المبدئي لمشروع ٦ اكتوبر
ها..احم..قصدي يعني متشكره بس التصميم ده مش للتنفيذ البشمهندس طلب مننا نعمل تصميم مبدئى يشوف كفائتنا من خلاله دا غير اني لسه متدربه
فاهم الكلام ده كويس وكمان حضرتك هتمضي معانا بشمهندس محمد راح يجيب العقد يشرفنا ان مهندسه مبدعه كده تكون معانا رغم ان حضرتك لسه مبتدئة بس باين انك شاطره
متشكره جدا يافندم
تم مضي العقد واتعينت رسمي والايام بقت تجري ومبقاش في وقت فاضي انزل الشغل اجي مهدوده اكل وانام ولو في شغل معايا بخلصه وهكذا عدي دلوقتي ٦ شهور من يوم تعييني والمدير كلفني بمشروع كبير بس هو واثق فيا فمروحه طايرة ف السما
رنوش بابا عايزك برا
حاضر ياماما طالعه وراكي
اي ياحجوج
اي ياحبيبتي اخبار الشغل
الحمدلله كله تمام
طيب ياستي بنوتي كبرت واشتغلت نفكر بقي في العرسان شويه
احم هو مش حضرتك كلمتني قبل كده وقلتلك مش جاهزه دلوقتي يابابا
الكلام ده من ايام ماكنتي ف الكليه يارنا انتي اتخرجتي واشتغلتي
هو مين ده
عادل ابن عمك
